NYOTA YA KAA

NYOTA YA KAA
Watoto wa Nyota ya Kaa ni wale waliozaliwa kati ya Tarehe 22 Juni mpaka tarehe 22 Julai
Wazazi hasa Mama ni kiungo muhimu sana kwa maisha ya watoto wenye Nyota ya kaa. Watoto hawa huwa wanaathirika sana ikiwa kwa sababu yoyote ile wakiwa wanaishi mbali na wazazi wao au sehemu nyingine ambayo siyo kwao.

Watoto wa Nyota hii huwa wanapenda. Malezi mazuri na upendo mkubwa. Wakati mwingine inakuwa ni vizuri kama wewe mzazi unaweza kumpatia kitu cha kumshughulisha kama paka au mbwa.
Hawa watoto Wana kawaida ya ya utundu na kungangania jambo ambalo analiona kwake linamfaa. Jambo jingine ni kuwa huwa hapendi kuwa mbali na mazingira aliyoyazoea.

Tabia hii huwa inawaudhi wazazi ambao wanapenda kutembea tembea au kuhama hama au kusafiri safari.Tatizo lao kubwa ni kuwa na wasiwasi na woga ambayo wewe mzazi unatakiwa umshawishi awe huru kukuelezea wasiwasi alionao.

Hawa watoto wana kipaji cha ajabu cha kufikiri na unatakiwa wewe mzazi umsaidie katika kukuza kipaji hicho.
Kama tulivyosema ni watundu sana na wana ujasiri wa ajabu wa kujilinda na kuwalinda wazazi wao hata kama hawana nguvu.
Wakisha kuwa na uhakika na mazingira waliyopo kwamba hakuna matatizo ya nyumbani au wazazi wao watoto hawa wana uwezo wa kufanya chochote.

Watoto wa Nyota hii wana kumbukumbu nzuri wazazi wanaonywa kutowapa ahadi ambazo una uhakika utashindwa kuzitekeleza kwa sababu atakumbuka tu hata iweje.

NYOTA YA SIMBA
Watoto wa Nyota ya Simba ni wale waliozaliwa kati ya Tarehe 23 Julai mpaka tarehe 22 Agosti

Watoto wa Nyota hii ni wachangamfu sana katika mambo ya maisha, wanapenda sana kujionyesha ili wenzao wawaone na wana majigambo mengi. Kutokana na harakati za majigambo za siku nzima mwisho wa siku huwa wamechoka sana.

Watoto wa Nyota hii ni wabunifu na wenye vipaji, Wazazi wanatakiwa wawasaidie kukuza vipaji vyao tangu wadogo mpaka wanapokuwa watu wazima na maisha yao yote vinginevyo watajihisi kuna jambo wamekosa.Wanapenda sana waonekane na watambulike, na wafahamike na hawana aibu katika hilo.

Watalifanya kwa kutumia mbinu yoyote hata kama ikibidi kupigane ili umtambue yuko tayari.Hisia zao ni nyepesi na Wakati mwingi huwa wanajisahau kwamba na wanakuwa tegemezi . kwa hiyo unapomshutumu mtoto wa Nyota hii, tumia mbinu za hali ya juu vinginevyo utamfanya takuwa katika maisha yake hajiamini kabisa.
maringo hasa wakiwa na watoto wenzao ni kitu cha kawaida, lakini kuna wakati mwingine watoto hawa huwafanyia maringo hata wazazi wake.

Wanapojihisi kwamba wamethibiti mambo au kukubalika miongoni mwa makundi yao hujifanya wao wafalme kwa kutowa zawadi, kawakirimu na kutenda wema kwa wale wanaomzunguka.